Sopo seng butuh obat kopok….?????

Bismillahirrahmanirrohiiiim… mugo-mugo gak salah… hehehe…

Ono ing sawijine dino… Yu Yem duwe loro seng rodo aneh. Saking anehe de’e kroso isin ameh neng dokter. Tapi bareng dipikir-pikir penyakite soyo nguatiri… akhire de’e kepekso moro nang dokter. Pas wes neng jero kamar perikso, Yu Yem banjur ngandakke opo seng dirasakke kabeh penyakite. Untunge pak doktere sabar tur gak galak.

“Ono opo Yu, sampeyan ning kene?” Jare doktere.

Yu Yem terus cerito, “Iki lho dok, wis sak wulan iki aku ki rasane malih ngentutan. Sak jam iso ping sepuluh aku ngentut. Cuma untunge dok, entutku iku gak mambu ambek gak onok suorone, dhadhi aku gak pati’o isin kan gak ono sing ngerti. Lha iki pas aku lungguh ndok ngarepe sampeyan ae wis ping telu aku ngentut. Tapi sampeyan gak ngerti tha, yo mergo iku mau, entutku ki gak muni ambek gak mambu. Cumak aku yo tetep gak enak dhewe tha, mosok cah wedhok kok ngentutan” jare Yu Yem.

“Oh ngono tah……. Nek ngono, ya wes tebusen ae resep iki. Seminggu maneh mbaliko rene maneh” jare doktere karo nutup irunge nggo masker kain.

Pas wis seminggu Yu Yem mbalik maneh neng doktere.

“Wis enakan tah Yu kowe?” Takok doktere.

“Aku gak ngerti iki obat opo sing dokter kekno wingi, cumak entutku saiki koq ambune malih bosok gak karuan. Sampek kudhu nggeblak aku dok. Tapi untunge entutku sik tetep gak muni, dadi gak ono seng krungu” Jare Yu Yem.

“Oo… ngono, ya wes berarti irung sampeyan wis gak buntu maneh. Saiki tebusen maneh, ganti resep iki yo” jare doktere.

“Lhaa… obat opo maneh iku dokter?” Takok Yu Yem.

“Obat kopok……..” jare doktere.

Huahahahahaha…. (Hayooo…. yang gak bisa basa jawa… ga boleh ikut ketawa…)

Ada banyak hal yang mungkin menutup telinga dan hidung seseorang, ketika dia tidak pernah tahu atau tidak mau tahu kejelekan dan keburukannya sendiri. Orang disekitarnya sudah kelimpungan atas “BAU” yang dikeluarkan dari tubuhnya, tapi dia merasa tenang-tenang saja dan tidak merasa bersalah, tidak merasa bahwa “BAU” yang dikeluarkan itu bermasalah…